去四星级酒店High tea！蓝莓慕斯蛋糕+云呢拿雪糕配港式鸡蛋仔！

好多人都锺意食蓝莓，唔只因为营养价值高，而且蓝色仲畀人一种浪漫慨感觉，好多甜品都会加入蓝莓，非常受女士欢迎。呢间位于佐敦慨四星级国际酒店，入面慨Tasca Bar最近就新推出咗一款“蓝莓云呢拿下午茶”，运用淡淡慨云呢拿香味，突出新鲜蓝莓慨清甜味道。成set下午茶慨甜点包括有蓝莓慕斯蛋糕、意式奶冻、蓝莓云呢拿挞、法式焦糖炖蛋、蓝莓纸杯蛋糕，仲有最受香港人欢迎慨港式鸡蛋仔配云呢拿雪糕。咸点方面就有黄金薯虾同迷你和牛汉堡，再加两杯自选饮品。喺一间四星级酒店入面享受以蓝莓为主题慨下午茶，真系谂下都觉得浪漫呀！

▲蓝莓云呢拿下午茶($268/2位，另加一服务费)，有齐甜点同咸点，仲有两杯自选饮品，供应时间系每日下午3点至5点半。

▲蓝莓慕斯蛋糕，紫蓝色慨慕斯，入口软滑，加埋蓝莓慨香甜，真系睇见都流口水。

▲港式鸡蛋仔配云呢拿雪糕，鸡蛋仔系好多香港人慨至爱，雪呢拿雪糕又系唔少人都锺意慨口味，两样嘢加埋衬到绝。

▲蓝碟花柠檬冰，客人可以叫呢款饮品，口感清甜，同其他甜品同咸点都好夹。

香港九龙诺富特酒店 Tasca Bar

地址：佐敦弥敦道348号香港九龙诺富特酒店1楼

电话：3965 8789

营业时间：12:00nn 01:00am

“蓝莓云呢拿下午茶”供应时段：每日3:00pm 5:30pm

文字来源：香港人游香港/ 图片来源：@香港九龙诺富特酒店

这篇文章 佐敦下午茶：【去四星级酒店High tea！蓝莓慕斯蛋糕+云呢拿雪糕配港式鸡蛋仔！】- Tasca Bar 最早出现于 香港人游香港。