人气榴梿芝士味车轮烧！皮薄爆馅＋10种特别口味

车轮烧喺台湾好受欢迎，好多地方都有车轮烧店。呢间青畑九号豆制所就有好多唔同口味慨车轮烧，除咗固定慨北岛牛奶烧、南国红豆烧、大甲芋头烧、金山地瓜烧、青酱百菇烧等等之外，仲不时会推出一啲特别口味，例如芋头咸蛋烧同榴梿芝士烧。最正慨系，佢啲车轮烧慨馅料非常饱满，比如榴梿芝士依款口味，一咬开就系满满慨榴梿同芝士，两种香气混合埋一齐，真系邪恶到不得了！

▲榴梿芝士烧(NT$60)，如果你比较抗拒榴梿慨话，仲有好多其他口味拣，青畑九号豆制所每日都会制作9至10种车轮烧，绝对有一款啱你！

▲搣开块车轮烧，就见到连住慨芝士丝，再加埋传上嚟慨榴梿香味，真系太邪恶啦！

▲奥立奥牛奶烧(NT$30)，好多人都锺意食Oreo，呢到亦都有Oreo味慨车轮烧。

▲青酱百菇烧(NT$30)，除咗甜慨口味之外，都有好多咸慨口味，就算唔喜好甜嘢慨人都可以嚟试下！

▲现场睇佢制作慨话，会睇到烤炉上面啲馅料多到就黎泻出嚟，非常豪迈。

▲每一份车轮烧都非常足料，皮薄馅多，咬落口会感到非常满足。

▲左边慨系甜口味，由上至下分别系奥立奥牛奶烧、南国红豆烧(NT$25)同埋北岛牛奶烧(NT$20)，右边慨系咸口味，由上至下分别系芋头咸蛋烧(NT$45)、麻十七菜脯烧成(NT$30)同埋泡菜芝士烧(NT$35)。

▲青畑九号豆制所慨招牌醒目抢眼，去新竹竹北慨朋友记得去呢到打卡呀！

青畑九号豆制所

地址：新竹县竹北市嘉丰二街一段129号

营业时间：周一至周日 11：00- 19：00

电话：03-6670506

文字来源：香港人游香港/ 图片来源：@aohata9、shes94027

这篇文章 游台湾美食：【人气榴梿芝士味车轮烧！皮薄爆馅+10种特别口味】- 青畑九号豆制所 最早出现于 香港人游香港。