铜锣湾正宗英国美食，必试经典名菜威灵顿牛柳

放工想同朋友饮下酒然后想去番dinning room食番个dinner既话，呢间完全岩晒你心水！餐厅有室内同室外用餐地方，室内摆放了好多盆栽作饰物。呢度既Drink Menu有好多款比客人选，包括一啲本地手工啤酒、世界各地葡萄酒，仲会有d tailor made既cocktail可以叫添！除左美酒提供，呢度主打系食英式食物！有好多款传统经典英国菜提供，包括威灵顿牛排！无论前菜、主菜、甜品都一样出色！

▲Scotch Egg Soldiers($98): 呢个系经典英国菜之一－苏格兰流心蛋，流心蛋层炸到好脆既外皮系以香肠、鼠尾草、洋葱及黑椒、燕麦面包碎制成，一切开个蛋黄就流心，仲会有数条多士边比你点蛋黄食。

▲Beef Wellington ($788):呢度既威灵顿牛排皮用左唔同款蘑菇黎取代鹅肝酱以减低肥腻感，酥皮整到好薄好脆皮。另外会有红酒牛肉汁比客人倒落牛排度食。份量好多，两个人食太饱啦！

▲Granny Smith Apple Pie Nutmeg Custard ($88): 呢个𬞟果批外皮焗到好脆！厨师会先将𬞟果片煮到好淋再加入云尼拿条、肉桂粉调味来制作馅。吉士酱另外上，如果唔想食咁甜的话，客人可以只倒少少试下！

▲Wood Ear Mushroom Risotto ($148):呢个意大利饭用左菜芹、香芹、蘑菇蓉来煮，食落去难免会有啲清新既味道。

▲Scallop Black Pudding (HK$228):带子系用左北海道带子，带子好鲜甜同大粒，带子煎到好脆！

The Leah

地址:铜锣湾恩平道28号利园2期3楼308及311号铺

营业时间: 星期二至日 19:30 23:00

电话:23377651

文字来源：香港人.游香港／图片来源：@tummysready、@theleahhk、@sushipastaholic、@non_stop_eating

这篇文章 铜锣湾英国菜：【铜锣湾正宗英国美食！必试经典名菜威灵顿牛柳】- The Leah 最早出现于 香港人游香港。