观塘良心Cafe必食传统西班牙蛋饼+自家制窝夫！

今次介绍既呢间良心小店Cafe，系观塘区有两间分店。呢间cafe除左有咖啡饮之外，仲会有酒卖! 餐厅装修环境唔错，墙身痂左好多页金庸小说贴系墙到，而个天花板有d书挂左系到，有种好文清feel既小店! 而提供既食物款式唔算好多，主要卖蛋饼、窝夫、汉堡包同bagel。另外仲会有一d自家制既甜品同松饼等，松饼系呢间cafe度好出名，好多客人一场黎都系食个松饼加饮杯咖啡。有时约左朋友想坐底倾下计，又唔想去d连锁coffee shop，想静静地同朋友倾下计既话，呢间cafe小店绝对系不二之选!

▲传统西班牙蛋饼($98):蛋饼入面有好多架馅，分别有薯仔、甜椒、烟肉、芝士、洋葱，材料好丰富。而蛋饼餐系全日供应既，仲会包埋餐汤。

.

▲三式窝夫($74):分别系招牌窝夫、可可窝夫、年糕窝夫。呢度既窝夫系自家制，加入左亚麻籽，食落去感觉健康多了。

▲安格斯牛肉芝士汉堡配沙律($88):黑色既面包其实系墨鱼汁制作，食落去非常松软。而安格斯牛肉都几厚配埋洋葱蘑菇一齐食好味! 仲会有埋半份蔬菜沙拉，食完牛肉再食番清新沙律感觉上健康d!

▲烟三文鱼忌廉芝士贝果($74):bagel焗到好脆，记得要趁热食bagel，如果冻左先食就会好硬。烟三文鱼份量都多，入面有好多忌廉芝士酱，食落去唔会太干。

▲餐厅富有文青感，有个落地玻璃令到餐厅光线好充足，气氛比客人休闲既感觉。

One Little Room

地址:观塘伟业街93号地铺

营业时间:星期一至五08:30 21:00/星期六至日10:00 19:00

电话56164515

文字来源：香港人.游香港／图片来源：@harrykhkey、@paulinelittlesheep、@p.happy.smile、@isaacshekyf

这篇文章 观塘cafe：【观塘良心Cafe必食传统西班牙蛋饼+自家制窝夫！】- One Little Room 最早出现于 香港人游香港。