墨西哥餐厅推出$188自助晚餐，可以加钱同朋友一路任食任饮酒！

最近餐厅为左庆祝周年活动同埋自助午餐大受欢迎，所以举办左个$188任食自助晚餐，仲会有个Taco Bar比客人自制自己想食既配料，要注意既系有哦啲菜式款式系会转。除左饮食之外，客人仲要可以加$20任饮柠檬茶同杂果宾治，又或者加$70 任饮嘉士伯、玛格丽特同朋友一路食一路任饮酒倾计。餐厅装修仲好有特色，墙上挂住唔少墨西哥装饰同图画，上层系自助餐地方，而下层就系酒吧。

▲头盘海鲜:有海虾、蚬肉可以拣，虾好鲜甜！

▲Taco Bar有多款酱同配料比客人自选，最多客人选既一定系牛油果酱。

▲咁多料既Taco好满足。

▲炸芝士火腿波波：个皮炸到脆脆地，切开入面有火腿粒。

▲墨西哥风味烤鸡：啲肉睇落好似好难咁，但食落又唔会，同埋好浓味！

▲长通粉沙律：呢个做前盘岩晒，食落都开胃，仲会有西兰花、火腿作配料。

▲薄切牛肉片：呢个一上菜就好多人会先拣，牛味重同埋唔会咬唔烂。

▲手撕猪堡：细细个造型得意，岩晒啲想试下食但又怕太饱既人。手撕猪肉好够味，配埋牛油面包食好惹味。

▲西班牙炸油条：每旧都好脆，不过如果有酱比客人点会更加好。

▲上面系奶冻，好香奶味又滑，好好食！而下面就系Brownie，细细旧唔会好漏，面头仲有朱古力酱。

▲有3款水果比客人选择，食到好饱好漏时候食水果岩晒

▲呢杯就系加左$70任饮既玛格丽特，酒精都多，唔系好饮得酒既人唔好饮咁多杯！最欣赏既就系餐厅用环保饮管！

▲呢杯就系加左$20既杂果宾治，酒精唔多，岩啲唔系好饮得酒既人！

Coyote Bar Grill

地址: 湾仔骆克道114-120号嘉洛商业大厦

营业时间:12:00-02:00

电话: 28612221

文字／图片来源：香港人.游香港