北极冰屋酒店预计2020年4月开幕！瞓喺玻璃屋入面欣赏极光！

唔少人都希望可以环游世界，当中更加有好多人都希望一生人入面可以去一次北极欣赏极光。不过北极始终系极限环境，要面对极端慨寒冷天气，都必须要带备足够装备同埋帐篷。芬兰旅游公司“Luxury Action”就谂到，北极虽然系好独特慨旅游景点，但就冇舒适慨住宿设施，始终住帐篷都唔系咁舒服。于是，佢地就打算喺北极开设高级酒店，由10间以冰屋为蓝本设计而成慨玻璃独立屋组成，每间屋都有独立慨浴室同暖气，可以令客人舒舒服服咁瞓喺屋入面欣赏极光，绝对会为你留低一次非常独特慨旅游体验。

▲酒店预计会喺明年4月开幕，到时独立屋慨位置会因应当天气变化而转变，为客人提供更为安全慨居住环境。

▲独立屋为客人提供咗一个舒适慨居住地方，同时又可以无阻碍地欣赏到北极的自然风景，不过要喺极端环境之下有咁高级慨居住环境，收费当然都唔平，住一晚就要95000欧罗，系一趟非常奢侈慨旅行。

▲夜晚就系整个旅程慨重头戏，可以尽情欣赏夜空上面慨极光。

▲根据CNN同埋华盛顿邮报指出，现时每年只有大约1000人可以到访北极，而且都需要住帐篷同埋带笨重慨装备，欣赏到极光可谓非常珍贵难得慨人生体验。

▲虽然收费唔平，但可以喺咁舒服慨环境之下欣赏到咁靓慨景色，你又觉得值唔值得呢？

North Pole Igloos Hotel

官方网站：http://bit.ly/33T9z9v

预计开幕日期：2020年4月

费用：预计98000欧罗（近82万港币）

文字来源：香港人游香港/ 图片来源：@luxuryaction

这篇文章 游北极：【北极冰屋酒店预计2020年4月开幕！瞓喺玻璃屋入面欣赏极光！】- North Pole Igloos Hotel 最早出现于 香港人游香港。