绵绵头上飞花 散聚了无牵挂～
近年慨冬天越嚟越唔冻，就算系以前冻啲慨时候，香港冻极都唔会落雪，所以唔少人都会趁冬天慨时候去旅行感受一下落雪慨气氛。滑雪呢个季节限定慨活动，唔搭飞机基本上系无可能实行，唔少人为咗滑雪，特登飞一转，又或者去开旅行特别安排几日行程。由近近哋日本、韩国去到远少少慨欧美国家，有咁好选择，唔知拣边个好？唔同慨滑雪场有咩特色？今日就嚟睇吓呢十大滑雪国家，plan定跨完年去边度玩啦～
DV小教室：网路温度计透过《KEYPO大数据关键引擎》，观测、爬梳港澳地区近万个网站、频道，其中包括新闻频道、各大讨论区、FB、IG以及Blog，从中取得资料样本数，并以AI语意程式作数据分析。“网路热度”为主题项目相关的网路posts和comments ，数值愈大代表主题项目的讨论度愈高。
image source：Pixabay
10 奥地利（122笔）
奥地利系一般人比较陌生慨滑雪国家，不过如果你系滑雪迷慨话就一定知道呢个地方！土地面积只有八万平方公里，但系滑雪量居然已经占咗世界慨五分之一，呢片地方亦都培养出好多滑雪冠军，唔少小朋友几岁开始就已经“未学行先滑雪”。Kitzbühel呢个地方举办过接近100场世界锦标赛亦都四次被选为世界最好慨滑雪胜地可以话系公认世界第一慨雪场。
image source:kitzbuehel 官网
9 德国（153笔）
德国慨冬季运动发展得好兴盛，欧洲风格渡假小屋再加上唔同类型慨冬季运动，包括滑雪、雪橇车等等，都好值得体验一下。邻近历史悠久慨城镇，除咗滑雪之外，仲可以感受当地慨文化气息。奥运同高台滑雪挑战赛都曾经喺德国呢到举行。Gebiet Garmisch-Classic滑道有涵盖唔同慨难度，无论你系初学者定高手都一样可以满足得到。
image source:Garmisch-Classic Skiarea 官网
8 英国（323笔）
英国慨苏格兰有六大雪场，个个都好受欢迎。而Glencoe作为苏格兰第一个滑雪中心，早喺1956年已经有设立升降机，位于自然风景区，登顶慨时候仲可以沿路欣赏吓大自然慨靓景。贵为全英规模最大、设备最齐全慨滑雪渡假村，当然都有唔同慨滑道，适合唔同程度慨滑雪者，有苏格兰最长、亦都有坡度最高慨，任君选择～
image source:visitscotland
7 加拿大（329笔）
位于加拿大慨Whistler系著名慨滑雪地点，曾经连续四年被获选为北美第一滑雪胜地，都系2010冬季奥运同残障奥运慨举办地。滑雪环境慨水平就毋庸置疑，年年都吸引咁多滑雪友嚟打卡，有机会踩吓呢片曾经有咁多高手走过、滑过慨雪地，滑起上嚟感觉真系特别唔同～
image source:whistlerblackcomb
6 中国（802笔）
成日觉得要去滑雪就一定要去到好远慨国家，其实喺中国黑龙江省都有滑雪场嫁，而且开设滑雪场慨仲系来自法国拥有80座度假村慨大集团，质素保证可以放心。入边慨环境、装修都唔输蚀俾外国渡假村，语言沟通上方便好多，亦都有唔同慨分级制度，啱晒大人同小朋友一齐体验。
image source:clubmed
5 法国（1061笔）
法国呢个地方一直都俾人一种好浪漫慨感觉，加上白濛濛一片慨雪景，更加令呢个地方有一种高贵慨魅力。大家都成日听慨阿尔卑斯山其实都系一个热门慨滑雪胜地，呢度有全球第五大、法国第二大慨雪场，每年都吸引左好多滑雪爱好者嚟朝圣。夏天系登山者慨天堂，冬天就成为滑雪者慨天堂，几时嚟都唔会失望。
image source:clubmed
4 澳洲（1716笔）
澳洲得天独厚慨气候同环境，造就自然积雪慨覆盖率十分之好，平均慨降雪量都有三米。位于被称为天然滑雪天堂慨南半球，香港冬季结束，意味住南半球滑雪季即将开始～喺雪梨大雪山就已经有两个达到国际水准慨滑雪渡假村，唔少人都会过去渡过一个休闲慨长假期，放松心情同埋滑返够本。
image source:perisher
3 瑞士（2134笔）
瑞士可以被封为“冰雪家园”慨梦幻国度，绝对有佢慨道理所在。作为一个俾高山环绕慨欧洲国家，得天独厚有适合滑雪慨地理因素，加上令人惊叹慨靓景同埋高品质慨旅游体验，被选为全球最佳滑雪场慨名单之一。瑞士仲有一个世界最长慨滑雪道同埋最具挑战慨雪坡，滑雪迷一定都想去挑战吓！
image source:visitscotland
2 南韩（3845笔）
南韩系近年慨旅游热点，去到冬天亦成为唔少人推介慨滑雪初学者入门地点。除咗因为消费比较低之外，好似橡树谷滑雪场咁，距离市区只需要一、两个钟头车程，滑完出返市区shopping、食烧肉都好方便。《孤单又灿烂的神-鬼怪》出现过慨滑雪场就喺韩国龙平度假村，滑雪顺便重温一吓韩剧慨情节，分分钟遇到靓仔oppa同你一齐滑添呀！
image source:용평리조트스키장
1 日本（5446笔）
日本一直系香港人热门旅游景点，全个日本慨滑雪场有差唔多六百个，有雪国之称慨长野县，大家都成日听慨北海道同新潟，相信大家都唔陌生。
为咗配合旅游业、吸引更多游客，位于新泻县慨苗场滑雪场仲主打有中文教练，沟通上唔洗担心鸡同鸭讲，而岩手县慨滑雪场就有推出亲子滑雪活动，一家大细一齐玩都唔怕小朋友跟唔上进度无得玩～
image source:Twitter/竜王スキーパーク
【以上图文为香港网路温度计调查结果，未经授权请勿转载、改写】
分析说明：
本研究资料由《KEYPO大数据关键引擎》提供，分析时间范围为2018年12月25日至2019年12月24日。
网路大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论‘滑雪胜地’相关文本进行分析，并根据网友就该议题之讨论，作为本分析依据。
本文分析之结果，非参考投票、民调、网路问卷等资料，名次仅代表网路讨论热度大小，不代表网友正负评价。
推荐文章︰
向伟大航道出发！至HIT慨六大邮轮带你穿洋过海
《全民造星II》再造香港传奇！十大节目最受关注超新星
本文来自网路温度计系本站编辑转载，文章版权归原作者所有，内容为作者个人观点，转载目的在于传递更多信息，并不代表本站赞同其观点和对其真实性负责。如涉及作品内容、版权和其它问题，请与本站联系，本站将在第一时间删除内容！