创意手工汉堡款式多 咕噜鸡麻婆豆腐馅有惊喜！

汉堡包大家食得多，但咕噜鸡肉、麻婆豆腐、北京填鸭、软壳蟹汉堡你又试过未？呢间位于太子餐厅自家烘焙研发出多款特色汉堡，充满本土特色！所有面包都自家烘培非常松软，“咕噜鸡包”将大家熟悉既菠萝咕噜鸡球化成汉堡，鸡肉炸得够脆，煮过既菠萝又厚又多汁，同个鸡肉非常夹！“北京填鸭包”食落似足片皮鸭，连个填鸭酱都似到十足，鸭肉够味又唔难咬，完全大推！仲有麻婆豆腐汉堡、软壳蟹汉堡你等等都好受欢迎！小店最近仲研发紧纯素餐单，例如纯素面包布甸+姜味雪糕够晒特别又有本土味，值得一试，绝对有惊喜！

▲餐厅独创既特色汉堡，包括“咕噜鸡包”（$66），将菠萝咕噜肉变成汉堡包，除左面包皮够松软外，成个配搭都好有惊喜！

▲鸡肉炸得劲脆又Juicy，一啖咬落去又有鸡肉既嫩滑又有爆汁既菠萝，好特别！

▲呢个“北京填鸭包”（$66）神还原片皮鸭既风味，连个酱、葱丝同青瓜都加埋落个包度，好似食紧真既片皮鸭一样！

▲“麻婆豆腐汉堡”你又敢唔敢试？

▲“陀地西多”($66)个面包都系自家制，炸过但唔油腻，上面系花生味雪糕同花生酱，一热一冻完成冰火享受，一般西多士完全冇得比啊！

▲餐厅最近仲研发紧纯素菜单，呢款面包布甸+姜愈老愈辣雪糕+腐皮脆脆就系其中一个制成品，以后就有健康既甜品食啦！

包贩子

地址：太子通菜街254号地铺

电话：2656 5605

营业时间：12:00 22:00

___________________________________________________________________________

文字来源：香港人游香港 / 图片来源： @baofanji、@eatwith4feipor、@pig_out_ig

这篇文章 太子汉堡：【创意手工汉堡款式多！咕噜鸡麻婆豆腐馅有惊喜！】- 包贩子 最早出现于 香港人游香港。