尖沙咀CP值超高海鲜私房菜！五款套餐自己拣！

有时一大班人谂唔到食咩，可以考虑下食私房菜，今次介绍呢间私房菜位于尖沙咀，位置绝对有利。呢间私房菜系一栋大厦入面，在客厅放左三张大圆台，而另外有两间独立房间，呢度既座位同菜式都需要预先预订同埋落＄500订金。呢间一共有五个套餐提供，得套餐A系无海鲜，另外四个套餐都系有海鲜。今次小编食既系套餐C，六位客人份量。

▲冬菇鹅掌花胶烩鲍鱼:份量好多，鲍鱼同花胶煮到好林身，而冬菇系劲入味！

▲当红炸子鸡:鸡炸到个皮好脆，但肉质都几滑！

▲花雕蛋白蒸蟹:呢个小编认为最好食，蟹肉多同好鲜甜，而蛋白蒸到好滑！

▲黄金大虾: 每只虾都好大只，虾壳好浓咸蛋黄味，好惹味！

▲金银蒜粉丝蒸元贝: 粉丝劲入味，好多蒜，每粒带子都好大粒!

▲瑶柱西兰花球: 去到尾声先有呢个菜式，酱汁好多瑶柱丝，食落去有啲流。

▲餐厅得呢5款套餐，有啲套餐要4位或6位起，套餐价钱是实价，不用再额外加一和茶钱。

荟萃轩

地址:尖沙咀弥敦道86-88号安乐大厦4楼B号铺

营业时间: 星期一至日18:30 22:30

电话: 52826528

文字来源／图片来源：香港人.游香港

这篇文章 尖沙咀私房菜：【尖沙咀CP值超高海鲜私房菜！】- 荟萃轩 最早出现于 香港人游香港。