约边？许留山见啦～
香港人食完饭去食返碗糖水或者甜品，呢个习惯都可以算系香港独有慨文化之一，所以糖水铺开到周街都系，台式饮品、甜品呢几年特别受大家欢迎，不过讲到香港人慨糖水铺，许留山都算得上系大家其中一个集体回忆。放学去，放假又去，当时唔兴去cafe扮文青，唔少学生就系去许留山叫个甜品，坐喺嗰到吹水hea时间。如果嗰时无食过许留山，真系好out㗎！ 当然，时移势易，依家后生仔一早就唔再流行去许留山啦。
今日DailyView用《KEYPO大数据关键引擎》分析咗网民讨论许留山慨网路大数据，许留山上年喺Facebook搞慨抽奖活动掀起一波讨论热度，吸引咗好多人留言热烈参与，而另一个最高峰就系近日传出面临结业慨消息。因为被清盘而令许留山即将成为一代香港人慨回忆，其实今年一月开始许留山已经陆续有十几间铺执咗，今日走到呢一步，早就有迹可寻呀。
“拍拖”必食慨甜蜜之选
拍拖活动离唔开行街、睇戏、食饭，糖水直落，两个人一齐食返碗甜蜜蜜糖水，为拍拖日画上一个完美慨句号。唔少人拍拖都去过许留山食嘢，如果段感情有好结果，每次旧地重游，都会谂返起过去甜蜜慨回忆，但如果系一个遗憾收场，今日见到许留山成为历史，会唔会令你谂返起当年同你一齐食一碗甜品慨嗰个人呢？
image source:Facebook/ 许留山
“可惜”天下无不散之筵席
许留山以前被称为喺香港必食慨芒果甜品店，唔少商品带起热潮，成为港式甜品店慨代表之一，好受游客欢迎，仲曾经两度喺台湾开设分店。一代经典甜品店今日要清盘都几可惜，由专为香港人打造慨甜品店，后尾慢慢演变成专做游客生意咁滞慨铺头，喺时代慨巨轮之下，同大家讲byebye，呢个都系无可避免慨结果。
image source:Facebook / 陈艾熙 Amber Chen
90后“回忆”中慨味道
属于咁多香港人慨集体回忆，今日即将面临结业，可能唔少人都觉得好唔舍得。之不过俗语有云：“天下无不散之筵席”，每一个时代都有属于嗰个时代慨人事物，所谓“旧慨唔去新慨又点来呢”，而家最受欢迎慨糖水铺，可能过多10年亦都会被淘汰，记住过去慨美好之馀，都要继续向前看，努力面对未知慨将来～
image source:Facebook/Cookie Run 跑跑姜饼人香港站许留山——芒果界慨代言人
提起咏春你会谂起叶问，讲到芒果？就一定谂起许留山！讲起许留山，一系列用芒果做招牌慨甜品就即刻喺脑海浮出， 当年推出芒果西米捞之后大受欢迎，多芒小丸子、芒之恋、多芒西米露，多芒捞河等等。啖啖芒果加上许留山自家制小丸子同埋椰汁河粉等慨配料成功打造出多种王牌甜品，甚至可以话系谂起芒果就会谂起许留山。咁多种产品入面，唔知边一款系你心目中最经典慨甜品呢？我哋仲帮大家用咗网路大数据调查咗许留山以下两种网路热度最高慨产品，你又有冇食过呢？
image source：FB / 许留山
芒椰奶西（网路热度：493笔）
许留山经典饮品“芒椰奶西”，入面有椰汁、芒果汁、芒果粒同埋西米，做成杯装令大家随时随地都可以饮得到，唔需要坐低都可以叹西米露，够晒方便。虽然一般定价都唔算平，不过有时会员限定优惠价10几蚊就饮得到。呢款简单又稳阵慨甜品，相信可以满足到绝大部份人慨口味。
image source:Facebook/ 许留山
芒椰芦荟爽（网路热度：220笔）
“芒椰芦荟爽”一听就知道，饮品慨基底仍然系招牌芒果果肉同芒果汁加椰汁，另外加入咗女士好锺意慨芦荟，热量低又健康之馀，口感上亦都更加丰富，所以一直都系手调饮品入面慨王牌产品。冰冻慨芒果加上椰汁，配上粒粒芦荟，喺夏天饮特别消暑解渴，好受大家欢迎。
image source:Facebook/ 许留山
许留山陪伴我们成长
Twins—友谊第一
“让我们结伴探访许留山～感情不必分你高班我低班～”唔知大家对呢句歌词有冇印象呢？Twins呢个组合都系好多香港人慨童年回忆，小编细个嗰时几乎全部同学偶像都系Twins。佢哋同许留山就好似系嗰个年代入面长大慨人拥有慨共同回忆，今日许留山要结业，而香港乐坛都早就换咗几批慨人。呢首歌眨吓眼已经系十几年前慨歌，相信经历过嗰个年代慨人对于许留山结业，都会对于呢种“改朝换代”特别有感触。
他约我去许留山
当年一首《他约我去迪士尼》红遍香港慨网络原创曲唱到街知巷闻，创作者Kellyjackie就系特别为当时即将开幕慨迪士尼写咗个首歌。而2011年有网民为咗表达对许留山慨“爱意”，特别改编咗呢首歌，由去迪士尼改为去许留山。改编版入面提及多种许留山慨甜品，歌词搞鬼之馀亦都非常贴地，够晒香港本土味，相信香港人听到都会会心微笑。唔知呢首会唔会系第一首因为糖水铺而写慨歌呢 ？
【香港网路温度计调查结果之图文，未经授权请勿转载、改写】
分析说明：
本研究资料由《KEYPO大数据关键引擎》提供，分析时间范围为2019年03月20日至2020年03月18日。
网路大数据系统观测港澳地区上万个网站频道，包括新闻频道、Facebook、Instagram及各大讨论区、BLOG等，针对讨论‘许留山/许留山清盘’相关文本进行分析，并根据网友就该议题之讨论，作为本分析依据。
本文分析之结果，非参考投票、民调、网路问卷等资料，名次仅代表网路讨论热度大小，不代表网友正负评价。
推荐文章︰
那些年，我们一起学做香港警察慨十大男演员
咪做港猪！10大猪队友行为 唔戴口罩只系第四名？
本文来自网路温度计系本站编辑转载，文章版权归原作者所有，内容为作者个人观点，转载目的在于传递更多信息，并不代表本站赞同其观点和对其真实性负责。如涉及作品内容、版权和其它问题，请与本站联系，本站将在第一时间删除内容！