江嘉敏再惹是非 被前粉丝力数五宗罪 逐点劳气反驳话⋯⋯

一向是非多多的江嘉敏(Kaman),日前再被卷入新是非中,被一名自称是其前粉丝的网友在讨论区出post力数她多宗罪状,包括爱卸责、贪心、态度差等,对这次是非,江嘉敏非常劳气,逐一反驳该名前粉丝的指控,更话近排多了很多攻击她的假Account,她说:“我已经Block咗好多个Account,同Delete咗成二千几个留言!”

文:东方新地|图:江嘉敏IG图片及新传媒图片库

江嘉敏 被前粉丝叫“检讨吓”

是非新闻一大箩的江嘉敏(Kaman),去年中因船P事件同冯盈盈(FYY)反目收场,姊妹情不再后,还不时咬住唔放继续向FYY挑机,不过近日无线宣布开拍新节目《解构心机女》,就安排这对已反面的前“姊妹花”做拍档,齐齐学日本人气节目《有点心机又如何?》探讨用自己身体语言来吸引异性的“心机女”,焗住两人“破冰”来制造话题。

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
曾经好到去边都孖住行动的冯盈盈及江嘉敏,自去年中船P罗生门事件反目,姊妹情亦一去不返,想不到事件发生未够一年,两人又被无线焗住“破冰”。

新节目将于3月底开播,首次在无线担任主持人的江嘉敏,未开工先再度惹来新是非,被一名自称是她前粉丝的网友,在讨论区以“入咗FANSCLUB先知江嘉敏系有几黑暗”为题出post,对江嘉敏表示:“你见到咁多粉丝走晒就检讨下啦。明明一出道评价都无咁差,个样又几呃得下人,点解几年就可以衰落成咁?好多人一开始慨评价仲差过你(例如FYY一开始都比人话粗口港姐㗎)但佢哋依家已经一早爬得高过你,你估人哋冇唔开心过?”

第一宗罪:爱卸责

该名前粉丝指责:“江嘉敏最大慨问题系在于从来唔觉得自己有问题。次次有咩事都剩系识不断为自己辩驳,将责任推向人哋度,有无限慨借口不断死鸡撑饭盖。”

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
该名前粉丝话好多谢江嘉敏曾在其人生最抑郁时和他讲加油,只是他没法接受自己点解要咁多年先可以睇清楚她真正为人。(图为2017年一众粉丝现身支持江嘉敏活动照)

第二宗罪:态度差

江嘉敏被前粉丝指:“EQ又低又串串贡又贪心,态度差过好多辈份比佢高慨伪人,公司又点会想捧呢啲带来咁多麻烦慨人。”另外亦有一名网友爆料指:“早两年卖衫,佢试过R sponsor,真人态度X,又串XX咁,呢头同你笑哂口,转头就叫第二个讲,多多意见!”

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
前粉丝指江嘉敏真人串串贡、态度差,仲人前人后两个样,十足双面人。

第三宗罪:贪心

该名前粉丝又指控江嘉敏贪心,曾在网上问粉丝揾气球,疑似“攞著数”:“你喺出面点R Sponsor我唔在意,但唔好畀我知你真系无论去到边都想攞人著数好冇;叫人帮你买嘢又唔识还番钱畀人。虽然冇损失好多钱,但呢啲系基本礼貌同尊重。”

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
前粉丝指江嘉敏曾在网上问纷丝揾气球,之后在她和男友生日时现场都放满气球,疑似成功“攞著数”。

第四宗罪:无交带

前粉丝又指责江嘉敏在台湾时拜托其他明星的Fans代她购买三文治,但买完后无讲几时交收:“虽然都系食物,唔系D咩贵价嘢,但呢个系基本礼貌。就算人哋冇打算收你钱,你都应该答谢人哋帮你买,同埋好好交代番。以为自己好红咩,出Trip惊死人哋知佢住边间酒店,约佢交收又唔应。嗰日佢班机提早咗又唔交代声。”

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
江嘉敏被指在台湾曾拜托其他明星的Fans代她购买三文治,但对方买完后江嘉敏无讲几时交收,连班机要提早飞都无交待声,最后该粉丝要搭的士赶去机场“送货”。

第五宗罪:当粉丝下人

江嘉敏又被指对待粉丝有如下人一样,该名前粉丝说:“佢好高窦㗎,对著啲Fans呢好似我哋系下人咁。之前Gathering佢完全唔帮手set场,走又唔讲Bye bye,话送英国手信畀我哋,但啲手信系摆咗一年先送,仲要唔系亲手畀,而系叫Fans club其他人帮佢比。真系有心送慨话会唔会系咁。对著Fans佢都咁,想像唔到对著其他外人会系点。”

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
讲到呢个point有唔少网友都反驳话觉得Fans Gathering由粉丝set场系冇问题,由偶像set场先系怪。
江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
不过该名前粉丝话“系态度问题”。

江嘉敏反驳:完全系作出嚟

对这次是非,江嘉敏非常劳气,认为该名网民并非她真正粉丝:“自称粉丝即系假啦、扮系我粉丝,我相信我慨Fans唔会做啲咁无聊慨嘢,睇佢所讲慨嘢,佢真系唔了解我,系完全作出嚟,而且近排都好多假Account,我留意到佢哋不停讲粗口、咸湿嘢、恶意抹黑我,我都Block咗好多Account,同Delete咗成二千几个留言!”

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
江嘉敏表示自己从来不会叫粉丝买礼物:“因为我啲Fans年纪仲好细,仲读紧书未有工作,所以佢哋送慨贵重礼物我都会退番去。”

江嘉敏又逐一反驳该名前粉丝的指控,讲到被指叫台湾粉丝买三文治一事,她解释当时她在台湾拍剧,有一个台湾粉丝去探过他们几次班,她说:“个粉丝好好,成日买水果、饮品、三文治畀我哋全部剧组人员食,唔系净系请我一个食,佢都系我哋个剧几个同事慨粉丝,唔系我一个粉丝,我觉得粉丝嚟探班,问我哋想食乜系好普通慨事,唔明啲人点解要扭曲抹黑人哋慨好意。”

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
江嘉敏指曾有粉丝在她出Trip时到场探班:“佢都有主动问我想食啲咩,话请我食,咁其实都好正常。”

至于揾衫赞助,她指绝对冇可能:“首先我因为我有经理人,我公司会帮我处理晒所有嘢,绝对唔会叫任何一个粉丝去处理,其次我都识好多客户,佢哋好疼锡爱护我,去乜嘢Event,佢哋会帮我拣适合慨衫,我又有自己慨Stylist,我慨工作绝对唔会叫粉丝做,如果唔系点解要畀钱请Stylist?唔可以扼杀佢哋慨努力同好意。”

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
讲到问粉丝揾气球疑似“攞着数”,江嘉敏说:“我只系要搞派对,想问吓大家意见参详吓,冇叫佢哋去买或揾!”

同场加映:江嘉敏对人态度两副面孔开工摆阿姐款

现年26岁的江嘉敏出道经常扮玉女,不过玉女假象背后却姣出汁,除了拍剧爱姣对手,又被爆爱黐富二代,两年前挞著电竞公司高层Anthony火速同居,冧到仔依然未收手,去年中被爆同冯盈盈一齐去船P,却因事件被撞破各执一词变罗生门,姊妹从此反目,江嘉敏亦极速埋新姊妹堆,黐林凯恩同小小超女友郭嘉文玩埋,生活继续多姿多采。

直击姣精江嘉敏开工摆阿姐款 黑口黑面向助手训示
直击姣精江嘉敏开工摆阿姐款 黑口黑面向助手训示
无宝不落的江嘉敏,近期经常黐实林凯恩变好姊妹,更透过林凯恩结识小小超女友郭嘉文,相当进击。早前更同郭嘉文、邝洁楹(Judy)齐齐为林凯恩补祝28岁生日。
江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
18年挞著电竞公司高层 Anthony,江嘉敏冧仔花臣多多,扮可爱自拍更手到拿来!

荧幕前经常笑容满面、天真可爱的江嘉敏,对住助手原来另一个样,更加男女有别。早前本刊就影到她和女助手出外工作时,频摆阿姐款,黑口黑面向助手训示,当正助手系阿四,相当难服侍!

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
早前江嘉敏一个人离开九龙城寓所,企在街边等的士,虽然戴住口罩,都可见她眉头紧皱。
江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
同助手在新蒲岗工作完毕,虽然有助手陪同企街等的士,不过等极都无车,大小姐已玄坛口面,向身旁助手发火!

据知情者透露:“咪睇Kaman 外表好似乖乖女咁,真系畀佢食咗你都未知,佢份人好有心计,锺意黐埋班有钱仔度,啲富二代锺意识女明星,佢就成日拉埋啲姊妹一齐去玩,有杀错冇放过!不过,佢对男仔就娇滴滴,对啲男工作人员会放晒电,但对女助手就会摆阿姐款呼呼喝喝,有乜安排唔周到就发脾气,真系唔易服侍㗎 !”

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
江嘉敏乘的士到达尖沙咀,落车时便命令助手帮她拿手袋。
江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
江嘉敏捧住个纸袋,边行边训示身旁助手,只见助手一箧一袋,还要帮她攞住手袋,仲被她沿途训话。

早前她由寓所出发开工,等车期间已经皱晒眉头相当不耐烦,去到会合助手更加玄坛面口,完成上半场工作,同助手一齐等的士,等了几分钟未有车,更黑口黑面向助手发火,之后坐的士去到目的地,见助手拖住个箧还孭住大袋嘢,依然要对方帮她攞手袋,工作完毕准备归家才自己拿回手袋,麻烦态度现晒形!撕开玉女假面具,江嘉敏丑行愈揭愈多,仲有冇人敢埋身?

江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
同传媒做完访问后,江嘉敏同助手行去街头上Uber。
江嘉敏再惹是非 被前粉丝力数五宗罪
江嘉敏再惹是非 被前粉丝力数五宗罪
江嘉敏在牛头角放低助手后,再乘 Uber返回九龙城寓所。

延伸阅读:

周柏豪力保一哥地位 获钦点拍无线《法证先锋V》 有望孖佘诗曼锺嘉欣合作

爱回家│大小姐泼妇金句深入民心 笃魂精闹秘书人头猪 被封尖酸刻薄达人

本文来自东方新地系本站编辑转载,文章版权归原作者所有,内容为作者个人观点,转载目的在于传递更多信息,并不代表本站赞同其观点和对其真实性负责。如涉及作品内容、版权和其它问题,请与本站联系,本站将在第一时间删除内容!