《两个小生去camping》爆房事 周柏豪：我同太太十几年，每晚都拖住瞓

周柏豪同袁伟豪两个识于微时的好友，合作拍摄的节目《两个小生去Camping》近日播出，“双豪”除了在节目中斗骚肌、斗煮艺、斗胆色之外，更来个深情剖白，周柏豪更激罕自爆同太太由拍拖到结婚一起十多年，到现在女都生埋，但每晚仍然拖住手仔瞓觉，劲冧猪﹗

撰文：东方新地

《两个小生去camping》深情剖白 周柏豪：我同太太十几年，每晚都拖住瞓

周柏豪以保护身边人为由，私生活相当低调，在《两个小生去Camping》激罕公开讲同老婆的甜蜜房事。

周柏豪和袁伟豪相识廿年，无所不谈，在节目《两个小生去Camping》上山下海晒肌后，到了晚上“双豪”来个深情对话，周柏豪激罕谈及同太太一起十多年，每一晚都会拖住手瞓觉，柏豪话因为平常不能够正常拍拖咁拖手仔，呢啲亲密动作只能留在家中，柏豪话：“我哋要拖手慨时间就系瞓觉嗰时，我都同佢讲喺街先几个钟，但瞓觉八个钟都可以拖住﹗所以我同太太到依家都仲系会拖住手瞓觉﹗”袁伟豪即抵死问：“你肯定八个钟？”柏豪即笑笑口话：“有时起身痾夜尿，七个半钟啦﹗”

周柏豪自爆想著西装迎接女儿出世

周柏豪除了首度公开同太太的冧猪事，仲剖白初为人父的心情，柏豪同Stephanie（朱敏君）拍拖十年、结婚四年，另一半的真面目更是相当神秘，去年尾，老婆Stephanie为他诞下6.7磅小公主，初为人父的周柏豪喜获女儿相当兴奋，但老婆靓样继续绝迹他的社交网。柏豪于节目大爆去年陪太太入产房时相当紧张，为此前一天专程去剪发，佢又话：“我真系谂咗好耐著咩衫入产房，前一日仲特登剪咗头发，啲朋友同我讲：‘入产房要戴浴帽㗎’。我有谂过系咪著套西装入去见个女，但系其实要著保护衣，最后拣咗件粉红色衫，因为系囡囡嘛。”

因为出道时要扮单身，其后拍拖又要玩低调，所以咁多年来，未试过如正常人一样出外拖手拍拖。

手拖手慨时间只有在瞓觉嗰时

佢当时同女友即现在老婆讲，喺街唔会十几个钟都拖住手，但瞓觉就可以拖足八小时，所以呢个习惯一直维持到依家。

周柏豪同袁伟豪相识于微时，早在袁伟豪校草年代已经认识，相隔多年，大家各自入行，难得首次合作拍摄节目。

35岁周柏豪同老婆Stephanie（朱敏君）结婚三年，索妻真面目一直相当神秘。

老婆大肚收收埋埋冇人知，去年尾周柏豪直至囡囡出世第三日，才开心向外报喜，并开心 share凑女甜蜜照。

其后继续以保护屋企人为由，一直未有贴囡囡的正面相，只有额头相睇住先﹗

仲有对脚仔睇下﹗老婆，继续玩神秘﹗

周柏豪秘婚因有偶像包袱

“双豪”第二集继续晚上谈心，二人边睇《使徒行者2》边吹水，周柏豪透露拍该剧时印象特别深刻，因为：“嗰时拍拍吓去咗结婚，但又唔可以畀人知﹗”袁伟豪问佢有冇谂过自己结婚后会令粉丝慨幻想破灭？柏豪想也不想答：“系㗎﹗嗰阵时啱啱加入电视台，我都会谂啲投资者投资喺我身上，会唔会都谂点解我一直冇讲结婚呢件事呢？我会有呢啲咁样慨顾忌，但系最后好彩大家都接受咗呢件事，或者歌迷都会好锺意我慨屋企人。”

两个型男，在节目番外篇，赤裸上身斗骚肌。

周柏豪在镜头下刻意拨发，扭身扭势，肌味浓，简直系男子组本地版《三日两夜》

镜头刻意影近二人肌肉，左边较白的是周柏豪，右边是袁伟豪。

柏豪话因为要抱个女，所以才去练得一身肌肉，做咗人老窦唔同晒，句句说话都切入到个女度。

慢镜加埋不时zoom近二人肌肉，今次轮到袁伟豪谷臂肌，观众有冇怀疑自己睇紧啲乜﹗

延伸阅读：

2021年香港公众假期攻略+假期日历；明年4个红日在周六！

#SailormoonReDraw“月野兔之乱！”全球插画师恶搞《美少女战士》 、香港画师参战！