Eason停骚三年乱谂野 最惊一睡不起

Eason演唱《任我行》时，台顶吊下红蓝气球。

【星岛日报报道】

（星岛日报报道）陈奕迅（Eason）暌违9年再踏红馆舞台，慨叹疫情令他停工三年，更自爆害怕自己一睡不起，并分享纾解方法︰“所以好多野唔谂，唔好谂唔好讲，好好享受，最紧要系呢一刻，先系最真实！”

《陈奕迅Fear and Dreams香港演唱会》前晚正式开锣，Eason献唱金曲《与我常在》和《忘记歌词》时，全场站立、气氛热烈，台下的太太徐濠萦与女儿、舒淇和冯德伦也起身挥手舞动。不过之后Eason唱《七百年后》和《我们万岁》时两度“甩嘴”，而唱足全场的他一直没正式开腔说话，直至大约十点半时，Eason表示唱最后一首歌，引起观众大叫“吓！？”他才开口表达这三年来的感受：“我唔系懒有型，真系揾唔到个位讲野。呢三年匿埋，我好多野讲，但想留返啲气唱歌！”Eason续说可能年纪大、好容易喊，以前一直工作没停过，没时间去思考，他说：“呢个骚三年前停咗，有一样野卡住咗，喺度等唔知做乜……就系因为有时间等，就谂嚟谂去，愈谂愈惊……觉得使唔使咁应个骚‘Fear and Dreams’，已经都冇乜dream……想揽下掂下都唔得，唔系唔信你，系唔信我，惊我系带菌者。”

“唔好谂唔好讲 好好享受”

Eason又自爆恐怕自己一睡不起，他说︰“我只想做呢个骚，等到个人好惊，惊到一个地步系瞓觉之前，惊第二日起唔到身，如果起唔到身有咩要交代？电话password话畀边个听？银行啲钱使唔使捐咗去？畀边个？愈谂愈多，唔知点解会惊。唯一办法就系唔谂，所有野控制唔到。我以前就系咁……唔关我事，其实到𠵱家我都唔知件衫点解会系咁？靓唔靓由你哋讲，所以好多野唔谂。讲完咁多，唔好谂唔好讲，好好享受，最紧要系呢一刻，先系最真实。”随后Eason站在升降台上唱连串快歌，令全场气氛高涨，最后Encore献唱《游离份子》，期间Eason指着耳机似乎出现问题，幸未有影响演出。